‘n ISBN is ‘n identifiseerder wat deur uitgewers, boekverkopers, biblioteke ens. gebruik word vir bestellings,  verkooprekords en voorraadbeheerdoeleindes. Die ISBN identifiseer die geregistreerde skrywer sowel as die spesifieke titel, uitgawe en formaat. Indien ons jou boek uitlê, lewer ons hierdie diens bykomend en genereer ‘n strepieskode om in die boek aan te bring.

‘n Boek word gemaak om vir geslagte heen behou te word. Daarom is dit uiters noodsaaklik om jou boek behoorlik te laat proeflees! Selfs met die beste vermoë sluip daar gereeld ‘n tikfout in. Ons kontrakteer die proefleeswerk uit aan kundiges om seker te maak dis so na as moontlik aan foutloos. Gesels met ons oor jou manuskrip sodat ons saam seker kan maak dis taalkundig reg.

Daar is twee opsies: Of jy verskaf ‘n “PDF Print ready”-lêer OF ons help jou met die inhoud uitleg. Inhoud-uitleg word inhuis gedoen met Adobe se Indesign-program wat uiters effektief en professionele uitleg verseker. Die uitleg word in samewerking met die skrywer beplan – alles van die lettertipe en groottes tot elemente en voetnotas. Daarom noem ons dit ‘n boekvennootskap!

Na ‘n konsultasie oor jou behoeftes, lewer die grafiese ontwerper gewoonlik drie konsepontwerpe waaruit een gekies word om verder mee te werk. Ons maak seker dat jou boek se buiteblad presies weerspieël wat die leser kan verwag. Nie net moet die boek dadelik uitstaan nie, dit moet ook mooi wees.

As al die opsies vir ‘n boekformaat jou kop laat draai, wees gerus! Ons is jou vennoot hierin! Alle oorwegings word ingedagte gehou. Ons kyk ook na jou sak: hetsy sagteband, hardeband, leeromslae, ringbind, ryg of gom. Ons kan dit alles doen!